Republic of Korea Samoa Association

Talofa, o le ROKSA (Republic of Korea Samoa Association) o le fa'alapotopotoga a alo o Samoa o nonofo ma tiute i Korea i Saute.  Ua fa'avaeina le ROKSA i le agaga o le "alofa" ma le “fa'aaloalo”; ina ia maua ai se avanoa e o mai fa'atasi ai au tama fanau e fa'asoa ma fetufaa’i i le matagofie o lau aganu'u. O la matou matu’upalapala lea ae o lou gafa po’o lou aiga i fafo atu o lou si’omaga.  O le a avea le ROKSA e matou fai taulaga ma fesoasoani atu ai i tupulaga lalovaoa a Samoa o aumau ai i Korea i Saute; aua ua naumati vai e utuvai ai au tama fanau i fafo atu o Samoa.

Fa'afetai atu i a i latou uma sa asa le gasu o le taeao ua mafai ai ona resitaraina le ROKSA i fa'alapotopotoga a le militeri i Yongsan Army Garrison, Korea i Saute.  Fa'afetai i le ulua’i komiti fa'afoe ona o le tofa mamao ua fa'avaeina ai le ROKSA (Peresitene, CSM Tuileama Nua, Sui Peresitene, Tamaita'i ia Tumau Alefosio, Failautusi, CPT Leuila Alaimaleata ma le Teutupe, Faletua ia Jackie Taua Gibbons)  E le fa'agaloina ia le Susuga ia Tom Bruce ia ma le Faletua ia Anita Nua mo fautuaga alofa. Fa'afetai fa'apitoa i le Faletua ia Sinaoalii Easter Vaueli Bruce mo le tu'ufa’atasia ma le fa’amaumauina o ata ma tusitusiga uma talu ona fa'avaeina le ROKSA, ae maise ai le fa'atinoina o lenei galuega.  E le pine e to'atele nisi sa galulue punoua’i i le atina'eina o le ROKSA ua le mafai ona ou tolaulauina atu outou suafa; ae o le a ou tatalo i le Atua ia liligi fa’aua atu ana fa'amanuiaga ia te outou uma.

E ao ona ou fa'apea atu, o manatu ma tusitusiga ua fa'aalia i totonu o lenei galuega, o manatu lava o le laulau-a-fono; A iai se pati ua sala poo se fa'aupuga ua paopapa, ia malu ave i fale aua e leai lava se faiva e asa ma le maumau. Talosia ia manumalo mea lelei uma i mea fa'aletonu, ma ia avea ia mea lelei e fai ma taulaga a'o se fa'asinoala e momoli atu ai ma fa'atino ai le feau o le alofa ma le fa'aaloalo.

Ia manuia le ROKSA...

************************************************************************

Welcome, the Republic of Korea Samoa Association (ROKSA) was founded on the spirit of love and respect for Samoans stationed in the Republic of Korea (ROK) in order to provide a “home away from home” for Samoans.  ROKSA is our contribution of love for Samoa and all your sons and daughters on the peninsula because resources are limited outside of Samoa to promote the ‘Samoan way of life”.

Let me take this opportunity to thank all those who have started ROKSA as a chartered non-profit organization in Yongsan Army Garrison, Seoul, South Korea; (President, CSM Tuileama Nua, Vice President, Ms Tumau Alefosio, Secretary CPT Alaimaleata, Leuila; Treasurer, Ms Jackie Taua Gibbons); We can not forget CSM (RET) Tom Bruce, (Public Relation chair) and Ms Anita Nua (Fundraising chair) for their unwavering support.  Special thanks to Ms Sinaoalii Easter Vaueli Bruce for creating ROKSA’s website.  I know there  are plenty of others who have contributed to the success of ROKSA as the list is long and too numerous to mention so instead I pray earnestly for the Lord’s blessing to be upon each and every one of you.

The opinions expressed in this website are those of the ROKSA’s Executive Board. At no time have we intentionally violated copyright laws, if there is an oversight, I apologize.  I hope that the benefits outweigh the shortcomings in our efforts to showcase our love and respect for Samoans stationed in the Republic of Korea.

MAJOR Tauapai Laupola

President, ROKSA

2005 - 2007